Pumalo na sa ₱7.97 billion ang pinsala ng El Niño sa sektor ng agrikultura.
Ayon kay Department of Agriculture (DA) Undersecretary Ariel Cayanan – ang epekto ng El Niño ay sumira sa 277,888 na ektarya ng sakahan.
Aabot aniya sa 247,618 na magsasaka at mangingisda ang apektado.
Nasa ₱4.04 billion ang pinsala sa palay kung saan 191,761 metric tons ang nawala.
Sa mais naman, nalugi ng ₱3.89 billion o katumbas ng 254,766 metric tons.
Tinatayang nasa ₱27.8 million ang halaga ng nasirang high-value crops.
Nasa ₱12.4 million ang ikinalugi sa pangingisda.
Ang Philippine Crop Insurance Corporation ay nagbigay na ng ₱632.6 million sa halos 80,000 magsasaka.
Facebook Comments
