Davao City – Patay ang usa ka pintor human gidunggab ang biktima nga si Rey Nelito Bation, 38 anyos, ulitawo, residente sa Purok 13, Waling-waling St., Brgy. 76-A Bucana, syudad sa Davao, samtang ang suspetsado mao si Eugene Libay, 45 anyos, residente sa North San Juan, Brgy. Centro, Agdao ning dakbayan sa Davao.
Sa imbestigasyon ni P/Cpl. Darius Logroño, Sta. Ana Police Station Investigator, sumala pa sa nakakita sa maong insidente nga si alias Anton didto sa ilang gi-abangan nga balay kalit nasuko ang suspek ug nanglabay og botelya tungod sa kasaba niadtong tungora kay dunay nagsaulog ug birthday.
Kalit giduol sa supek ang biktima sa way daghan istorya dayon gidunggab tumong sa dughan ug gideklara sa responding team sa Central 911 ug Medic personnel nga wa nay kinabuhi ang biktima.
Sa gihimong hot pursuit operation sa kapulisan ug mga barangay tanod, na-aresto ang suspek sa gawas sa balay sa iyang paryente.
Ang dinakpan gibalhug na karon sa selda sa Sta. Ana Police Station samtang pamilya sa biktima pursigidong mopasaka ug kaso batok kang Libay.
RadyoMan Don Pulayao
