Gibutyag karon ni Agriculture Sec. Emmanuel Piñol nga ila nang gihikyad ang usa ka business matching tali sa mga farmers sa Bukidnon ug sa kaulohan aron masuplayan ang gikinahanglan sa mga konsumante sa typhoon-ravaged areas sa Ilocos Region nga gilampornas ni bagyong Ompong.
Sa interview sa media, gisugilon ni Piñol nga ang maong kasabutan maoy tubag sa dakung panginahanglan alang sa produkto-agrikultural sa mga kalungsuranon nga gibigwasan ug maayo ni Ompong diin mokostar na sa P14B ang gibana-banaang damyos sa mga agricultural products.
Gawas niini, laraw usab sa Duterte administration nga mo-angkat na usab ug mais kun white corn sanglit dakung pahat sa kayutaan ug kaumahan nga gilubok ug gibahaan ni Ompong mao man ang kamaisan sa Ilocos Region, ang ‘cereal bowl’ sa nasud.
Gitin-aw usab sa kalihim nga dili supply or mag-uuma ang kawsa sa suliran sa pagkaon kon dili ang realidad sa merkaduhan diin usa na diha ang aktwasyon sa mga bentahosong negosyante.
Sa dihang modaghan na unya ang imported rice and corn, nagtoo si Piñol nga mao na unya kini ang magpugos sa mga rice hoarders kun nagtipig pa gihapon ug rice stocks nga ipamaligya na ang ilang mga produkto una pa man maabtan sa pagkanaug sa presyo sa cereals.
RadyoMaN June Duterte
