Gibasol karon ni Agriculture Sec. Emmanuel Piñol ang presensya sa mga inangkat kun imported fancy rice diha sa kapakyas sa pagpakunhod sa presyo sa bugas sa lebel sa merkaduhan bisan pa man kun gibaha ang katawhan sa bag-ong stocks gikan sa gawas.
Sa pakighinabi kaniya sa media, gitataw ni Piñol nga gumikan ning nadiskubrehan nilang scenario, hugot niyang irekomendar nga sugod sa sunod tuig 2019, did-an kun i-ban na ang pag-import ug bugas gikan sa gawas nga kasagaran gihulagaway nga ‘fancy rice variety.’
Nasayran nga kini nga matang sa cereals mapalit sa tag-P55 ngadto sa P58 matag kilo.
Kahinumdoman nga si Piñol maoy gitudlo ni Pres. Rodrigo Duterte nga mohulip kang National Food Authority (NFA) Administrator Jason Aquino isip hepe sa NFA Council ingon man ang pagpailawom sa NFA ilawom direktamente sa mando sa Department of Agriculture (DA).
Wala pay mohulip sa biyaan nga lingkuranan ni Aquino diha sa grains regulatory agency.
RadyoMaN June Duterte
