Gisurender ni Oroquieta City Mayor Jason Almonte ang pipila ka mga armas, bala ug magazines ngadto sa kapulisan sa Oroquieta City Police Station.
Matud ni Police Lieutenant Colonel Ariel Philip Pontillas, Officer in Charge sa Oroquieta City Police Station nga kini atol sa ilang gihimong Oplan Katok sa balay sa maong mayor kaganihang alas 11 sa buntag.
Lakip sa gisurender ni Mayor Almonte ang usa ka TAVOR CAL 5.56mm, usa ka bush master Rifle Caliber 5.56m, usa ka bush master cal 5.56, usa ka FN Pistol cal 5.57 ug GLCK Pistol Caliber 49.
Sa karon ang maong mga armas, bala ug magazines ang temporaryong gideposito sa Oroquieta City Police Station alang sa safekeeping.
Gidugang ni Lieutenant Colonel Pontillas nga si Mayor Almonte nalakip sa narco list ni Presidente Rodrigo Duterte.
