Makasinati sa pipila ka oras nga pagkapalong sa kuryente ang pipila ka area sa Agoho, Mambajao Camiguin sugod karong adlawa, hangtud sa adlaw nga Miyerkules.
Kini ang gipagawas sa Camiguin Electric Cooperative, Inc. kon CAMELCO.
Matud sa Camelco, nga kini tungod kay adunay relocation nga himoon sa duha ka poles, particular sa Roldan Beach Resort sa Mambajao.
Tungod niini, karong adlawa masinati gikan sa alas nuwebe sa buntag hangtud alas 4 sa hapon ang pagkapalong sa kuryente sa Agoho cemetery crossing, padulong sa upper Banlas, Agoho, Mamabajao.
Samtang ugmang adlawa, Marso 19 adlaw nga Martes, makasinati sa pito ka oras nga pagkapalong sa kuryente ang pipila ka area sa Agoho, Mambajao Camiguin.
Kini particular ang area sa Agoho church padulong na sa Lower Cogon ug Timugsay, Agoho, gikan alas 9 sa buntag hangtud alas 4 sa hapon.
Sa adlaw nga Miyerkules, walay kuryente usab ang area sa Northern Lights padulong sa Upper Dal-as, Agoho Mambajao, sugod alas 9 sa buntag hangtud alas 4 sa hapon.
