Davao City – Pabor ang pipila ka Barangay Officials sa syudad sa pagwagtang sa Enhanced Community Quarantine (ECQ) sa syudad sa Davao. Gibutyag ni Brgy.22-C Kapitan Edmundo Altizo Sr., uyon siya nga ipailawom na sa General Community Quarantine (GCQ) ang dakbayan rason nga wala nay pagsaka sa kaso sa COVID-19.
Matud ni Kapitan Altizo, sundon ang mga guidelines ilawom sa GCQ ug istriktong ipatuman sa iyang Barangay ang Social Distancing, ug pagsuot sa face mask.
Sa pikas bahin, gisulti ni Brgy.9-A Kapitan Roderico “Tata” Llubit, kung moubos na ang kaso sa coronavirus, mamahimong ipailawon na sa GCQ ang dakbayan sa Davao.
“Para sa akoa, makita lang nato nga naa nay sinyales nga nagapaubos na ang virus. Siguro angayan na nga i-lift ang ECQ ug pwedi na ta mag GCQ provided nga sundon gihapon nato ang atong mga nahimong practice nga magpabilin istrikto gihapon, dili gihapon kita magtapok tapok para isip prevention para wala nay virus nga matala unta sa atong mga doctor. Para totally mawala naning kaso sa virus sa syudad (ug) para makabalik nata sa normal nga kinabuhi.” saysay ni Kapitan Llubit.
RadyoMaN Don Pulayao
