Naabtan pa sa News Team ang usa ka botante nga si Nanay Esingog samtang nangita sa iyang pangalan sa listahan sa mga botante kay dili buot nga sa adlaw’ng lunes pa kini mangita sa iyang pangalan.
Nabatasan na ni Nanay Esing nga sa wala pa ang aktuwal nga pagboto nahibalo na kini kon unsang Presinto ang naka-assign kaniya sa ingon paspas ug dili siya malangay sa pagboto nianang panahona.
Dili sab magpapugong si Berting Sulay kinsa usa ka Person with Disability (PWD) sa pag-adto sa Polling Precint karong adlaw’ng lunes ug gani karon palang daan nakasilsil na sa iyang alinpatakan ang mga Kandidato nga iyang pagapilion sa Eleksyon karong Uktobre 30,2023.
Sigun ni Sulay, ang mga Kandidato nga iyang botaran sa kadtong mga kandidato nga dali maduolan ug dili lang taman sa yawyaw panahon sa kampanya.
Nagtoo kini nga ang mga Kandidato nga iya nang napusoan magmugna og mga programa nga makabenepisyo ang katawhan ug matagbaw sa ilang serbisyo.
Pikas bahin, nabutangan na og mga Sundalo ang Barangay Catigan Elementary School sa may Toril aron maghatag og siguridad sa mga botante nga magboto sa BSKE 2023 karong adlaw’ng lunes.
Nasayran nga sa Catigan Elementary School gikatakda moboto si Mayoe Baste Duterte karong adlaw’ng lunes.
RadyoMaN Joel Viray
