Pipila ka estudyante nalipay sa 90 days extension sa SIM card registration

Davao City – Gikalipay sa pipila ka mga estudyante dihang ilang nasayran nga gilugwayan og 90 ka adlaw ang rehistrasyon sa Subscriber Identity Module (SIM) card inay nga mahuman na kini karong adlawa, Abril 26, 2023.

Usa si Sassy Leong, Senior High School sa Davao City National School ang nalipay kay mahatagan pa kini og tsansa nga makaparehistro sa iyang ginagamit nga SIM card karon.

Giingon ni Leong, wala dayon siya makaparehistro sa iyang SIM card hatud sa ka-busy sa iyang trabaho samtang nagatungha usab kini rason mahumanay nalang ang gitagana sa gobyerno sa rehistrasyon wala pa gihapon kini maka-register sa SIM card.

Mapasalamaton usab si Dhollieberg Dela Cruz, 1st year college student sa Bachelor of Science in Psychology sa Rizal Memorial Colleges (RMC) sa maong extension. Matud ni Dela Cruz, nalipay kini kay ma-alalayan niya iyang Lolo nga makarehistro sa SIM card.

Segun sa maong estudyante, tua sa bukid nagpuyo ug walay signal sa naasoy nga dapit ug mao kini ang rason nganong hangtud karon wala pa makaparehistro sa SIM card ang iyang apohan.

Subay sa datos mukabat na sa 80 milyones ka SIM card ang rehistrado karon sa entero nasud ug ang naasoy nga gidaghanon kuwang pa kung itandi sa actual nga gidaghanon sa mga SIM card nga gigamit sa mga Pilipinong subscribers.

RadyoMaN Joel Viray