Pipila ka iladong kapitan miduso na sa ilang COC sa unang adlaw sa filing sa COC

Davao City – Nakaduso na sa ilang Certificate of Candidacy (COC), ang pipila ka Incumbent Barangay Kapitan sa unang adlaw sa filing of Certificate of Candidacy alang sa Synchronized Barangay ug Sangguniang Kabataan Election sa Oktubre 30, 2023.

Sila si Barangay Lasang Kapitan Alan Simoag, Barangay 76-A Kapitan Bogart Trajera kauban sa ilang mga Kagawad nga sila Boboy Cortez, Barangay 23-C Wating Uzman, Barangay Talomo Kapitan Bendor Calamba ug Barangay 5-A Edgar Ibuyan Sr.

Samtang si Atty. Alexei Villarente nakaduso na usab sa iyang kandidatura sa pagkakapitan sa Barangay Talomo nga nahimong kaatbang ni Kapitan Calamba sa BSKE. Giingong miduso usab sa iyang COC si Kanhi Davao City Mayor Ben De Guzman aron magpapili sa pagka-kapitan sa Matina Aplaya, apan padayon pang ginakonpirma sa DXDC RMN Davao.

Matud ni COMELEC-XI Assistant Regional Director Atty.Gay Enumerables, wala sila nagtoo nga dagsaon sa mga aspirant candidates, ang unang adlaw sa filing sa COC diin nagsugod sa kadlawon hangtud hapon walay hunong ang pagdagsa sa mga moduso sa ilang COC.

Usa sa mga naabtan sa cut off sa COMELEC Davao si Julito Dumalay, kinsa subling mosulay sa pagpapili sa pagka-Kapitan sa Barangay Salapawan, Paquibato District ug atbangan niini ang kasamtangang Kapitan.

Sa kinatibuk-an, nahimong hapsay ang unang adlaw sa filing of COC ug walay natalang reklamo ug mulo ang COMELEC gikan sa mga aspirant candidates.

RadyoMaN Joel Viray