Pipila ka LGU sa rehiyon dose nakabaton sang pondo halin sa OCD 12 para sa pagtukod sang isolation facility.

10

Padayon ang paghatag sang technical assistance sang Office of the Civil Defense ukon OCD 12 sa mga local government unit sa rehiyon sa pagpakig-away sa COVID-19.
May-angot sini, suno kay OCD 12 Information Officer Joriemae Balmediano pipila na ka mga LGU`s sa rehiyon ang nakabaton sang P10 million nga pondo para sa pagtukod sang isolation facility sang mga ini.
Suno kay Balmediano lakip sa nakabaton na ang General Santos City, Kidapawan City, Surallah, Midsayap, Koronadal City, Tacurong City, matapos nga nagpalab-ot sang intensyon nga magtukod sang isolation facility tungod sa nagasaka nga kaso sang COVID-19.
Magluwas sini padayon man suno sa iya ang pagpanghatag sang ahensya sang PPE, hygiene kits kag iban pa sa mga LGU`s sa rehiyon.
Ginpahayag man ni Balmediando nga suportado man sang OCD 12 ang kampanya sang Department of Health nga magpabakuna batok COVID -19 kag magsunod sa ginapatuman nga minimum health standard sang katawhan agud mapunggan ang pagsaka sang kaso sang virus.

Facebook Comments