Kagahapong adlawa (Marso 1, 2022), pipila ka lugar sa Davao del Norte ang gibaha diin temporaryong wala paagii sa motorista ang Old Miranda Bridge sa Bincungan, Tagum City tungod sa pag-awas sa Tagum River (Saug ug Libuganon River) padulong Guadalupe, Carmen Highway.
Miabot usab sa critical level ang tubig sa Pagsabangan Bridge sa Brgy. Pagsabangan, Tagum City ug Magupising Bridge, B.E Dujali, kagahapon ug hugot nga gi-monitor ang uban pang kasapaan sa probinsya.
Sa intebyu sa DXDC RMN Davao kang Louise Mark Cirunay, Chief of Operations sa Regional Disaster Management Center (RDMC) sa OCD-XI, gibutyag niini nga kinahanglang mag-igmat kanunay ang katawhan ilabina kadtong sagad maapektuhan sa mga pagbaha.
“Sa atong mga constituents diri sa Davao Region, kinahanglan kitang mag-amping kay sa panahon karon, gamay’ng ulan, makasinati na ta’g kusog nga pagbaha. So, basically, Mag-prepare pud kita pirmi,” sulti ni Cirunay.
Padayong gipahinumdom sa OCD-XI sa publiko nga mag-andam kanunay ug maminaw sa mando sa awtoridad o Local Government Unit (LGU) ilabina kung imando ang evacuation.
RadyoMaN Kirby Manzon
