Davao City – Gikumpirma sa City Disaster Risk Reduction ang Management Council (CDRRMC) sa Digos City, Davao del Sur nga walay nahitabo nga pagpanghikling sa mga residente human mitaas ang Caños River sa syudad kagahapong adlawa (December 15, 2020).
Sa interbyu sa DXDC RMN Davao kang Emelda Canoy, personahe sa Digos CDRRMC, gibutyag niini nga alas-4 sa hapon sa dihang kusog nga ulan ang mibundak sa Kapatagan, Digos rason nga miabot sa 4 meters ang tubig sa Caños river.
“Pag magsaka pa sa 5 (meters) mura’g delikado na sa may Abuno dapit, muawas na na didto. Nag subside na man pud og hinay-hinay kay nag undang na man pud ang ulan sa Kapatagan,” butyag ni Canoy.
Gipaigmat usab sa CDRRMC personnel ang ilang mga residente sa dagan sa panahon ug kanunay’ng maminaw sa mando sa otoridad.
Kahinumdoman nga Hunyo karong tuiga, gatusan ka residente sa Digos City ang nag-evacuate human sa unom ka oras nga walay undang nga ulan sa lugar.
RadyoMaN Kirby Manzon
