No show ang pipila ka mga mayor ug kapitan sa lanao del norte nga dili pabor sa BOL atol sa gipahigayong information drive alang sa Bangsamoro Organic Law o BOL nga gipasiugdahan sa Office of the Presidential Adviser and Peace Process o OPPAP.
Butang kini nga gikasakit ni Munai Municipal Mayor Casan Maquiling bisan paman ang opisina sa DILG na ang mipatawag kanila aron pagtambong sa maong kalihukan ug mapasabot kanila ang katuyo-an sa BOL.
Matud ni Casan, taliwala sa wala pagtambong ug walay suporta sa pipila ka mga mayor sa lalawigan sa lanao del norte nagmalaumon pa gihapon sila nga magmadaugon ang YES sa ipahigayong plebesito karong adlaw’ng miyerkules.
Kini tungod, nagtoo si Casan nga ang BOL lamang mao’y usa sa solusyon aron pagkab-ot sa malahutayong kalinaw dinhi sa pulo sa Mindanao.
