Davao City – Gisugdan na sa Department of Education ang pagpailawom sa ilang mga empleyado sa Mandatory Drug Test.
Gikumpirmar ni DepEd Davao Region Spokesperson Jenelito Atillo nga dinhi sa rehiyon ang IGACOS ug Davao City nga mga emplyedo ni-undergo na sa drug test duha ka bulan na ang nakalabay.
“We have conducted already Mandatory Drug Test sa atong katawhan meaning from the Secretary down to the lowest employee of the department,” matud ni Atillo.
Matud ni Atillo nga musunod usab ang tanang mga magtutudlo.
“Sa teachers wala pa ta naka-conduct because there is going to be a very special schedule for them,” segun ni Atillo.
Gipaabot pa karon sa ahensya ang resulta gikan sa Department of Health sa gikasang drug test.
“Ang tanang madakpan ug ang tanang magpositibo sa confirmatory test will be subjected to punishments pursuant to regulations ug administrative sanctions,” sumala ni Atillo.
RadyoMaN Aimee Guinita
