Davao City – Aduna gihapoy mga karsada ug tulay sa Davao Region ang dili maagian tungod sa mga pag-ulan ug lapad nga pagbahang nasinatian resulta sa shearline.
Sa report sa National Disaster Risk Reduction and Management Council (NDRRMC) ug Office of the Civil Defense (OCD) XI, nagpabiling dili passable ang lima ka karsada ug tulay sa Davao de Oro nga mao ang Nabunturan Road, Camanlangan sa New Bataan, Rizal Monkayo, Sawangan sa Mawab, Bahi Maragusan Road lakip na ang Fatima Bridge.
Samtang aduna pay 11 ka mga lugar sa Davao del Norte ug Davao de Oro ang nakasinati gihapon og pagbaha.
Subay niini, aduna pay dul-an 500 ka mga pamilya ang nagpabilin sa evacuation centers sa Davao de Oro, Davao Occidental ug Davao Oriental.
RadyoMaN Ivy Parido
Facebook Comments
