Tungod sa padayon nga pag bundak sa ulan niadtong adlawng Domingo hangtod sa kadlawon kagahapong adlawa, gibaha ang pipila ka mga lugar tungod sa Low Pressure Area (LPA).
Apektado ang pipila ka mga barangay dinhi sa atong dakbayan sa Dipolog, nga kung diin mitaas ang tubig sa Brgy. Dicayas, Minaog, ug dinhi sa Bolicon ug Bypass Road Turno patikular na sa mga nanimuyo duol sa tulay. Pipila usab ka mga residente sa purok bulahan,Turno ang mihiklin padulong sa brgy Hall tungod sa kataas sa tubig.
Hinuon dali usab kini nga gi aksyonan sa mga rescue team dinhi sa syudad ug Probinsya uban ang sakop sa kapulisan.
Gibaha usab ang pipila ka brgy sa Polanco nga kung diin ang grabeng naapektuhan ang brgy Sianeb ug mga silingan ani nga barangay human mi-awas ang tubig sa suba, nawala usab ang sugang dagitab mga 10:39PM sa domingo hangtod kagahapong adlawa dala sa grabeng baha ug napukling ang mga linya sa kuryente nga iya sa NGCP nga mao ang Mahayag-Roxas 69KV section anaa nahimutang sa Brgy. Sianeb.
Dali usab kini nga ge ayo sa NGCP ug nagbutang kini sila ug Sectionalized Light Weight Tower (SLWT) aron ilisan ang mga naguba nga linya. 4:05PM kagahapon nabalik ra usab dayon ang kuryente.
Samtang sa dapitan city, ang grabeng naapektuhan mao ang brgy. Ilaya, Opao, ug Burgos ug mga kasikbit ani nga mga barangay, una na usab nga gikabutyag ni Provincial Head of Information, ZDN. Praxides Rubia nga adunay duha nga namatay sa maong panghitabo usa sa brgy. Ilaya nga si Lydia Japayan, 66, ug usa ka15 anyos nga batang lalaki sa brgy. Masidlakon ug padayon pa karon nga ginapangita human na missing.
Matod pa ni Praxides Rubia, mga kabalayan ug agrikultura ang adunay dako nga danyos sa nahitabong pagbaha.
