Pagadian City – Gipangulipas sa mga miyembro kapulisan ning syudad sa Pagadian ang akusasyon sa mga kritiko nga wala maglusad sa pagpanakop ang mga otoridad dungan sa pagpatuman sa No Helmet No Travel Policy.
Gipakita sa tinugyanan sa PNP Traffic Division ngadto sa RMN Pagadian Newsteam ang pinilo nga mga citation ticket nga ilang gi-issue sa mga nakalapas sa balaod trapiko ilabina ang wala pagsul-ob sa helmet.
Sa us aka semana nga implementasyon dili mo-ubos sa 50 ka indibidwal ang napahamtangan sa silot hinoon ang pipila sa ilang mga nasita gipahimangnuan una sa mga kapulisan.
Mahinumduman nga nga una nang gibutyag ni Psupt. Benito Recopuerto sa interview sa programang ‘ Straight to the Point” nga walay maka-ikyas sa balaod trapiko nga hugtanong ipatuman sa dakbayan.
