Pipila ka opisyal sa South Cotabato satisfied sa SOPA ni Governor Fuentes, apang Board Member Solivio failure ang ginhatag nga grado.

75

Pareho nga satisfied si Mayor Antonio Bendita sang Surallah kag 2nd district congressman Ferdinand Hernandez sa nangin State of the Province ukon SOPA ni Governor Daisy Avance Fuentes kahapon nga adlaw nga nagdugay sang masobra duha ka oras.
Suno kay Mayor Bendita ginahatagan niya sang 9 nga rate ang SOPA ni Governor Fuentes tungod sa madamo nga dalagku nga proyekto nga nagtupa sa banwa kapareho na lamang sa paghimo nga regional hospital sa Upper Valley Community Hospital kag state college.
Para naman kay Congressman Hernandez yara sa tama nga direksyon ang probinsya kag sa madamo nga proyekto.
Apang failure naman ang ginhatag ni Board Member Romulo Solivio sa SOPA ni Governor Fuentes partikular na sa isyu sang environment tungod wala sini namensyunar ang panindugan sa provincial environment code matapos nga ginakwestyon ang legalidad sa pagban sang open pit mining method sa probinsya.
Gindeny niya man nga may labot siya sa nagpatigayon nga grupo sang rally kahapon nga adlaw kadungan sang SOPA.

Facebook Comments