Davao City – Nagpatabang online ang usa ka Edlhen Petilla human nga ang iyahang asawa nahilakip sa reported missing nga Pinoy sa nasunog nga building sa Mangaf City, Kuwait.
Sa post ni Petilla nanawagan kini kung kinsa ang makapahibalo kaniya kung asa gidala ang iyahang asawa ug kaubanan niini nga naapektuhan sa sunog.
Sa report sa Department of Migrant Workers (DMW), ilahang gibutyag nga hugot nilang gi-monitor ang kahimtang sa mga Pilipino sa Kuwait human nga dunay onse (11) ka Pinoy ang naapektuhan sa sunog, samtang miabot na usab sa halos 50 ang namatay sa insidente.
Matud ni Migrant Workers Secretary nga si Hans Leo Cacdac, hugot ang ilahang monitoring sa sitwasyon sa mga Pinoy sa lugar, diin nakig-alayon karon ang Migrant Workers Office sa Kuwait sa Philippine Embassy sa Kuwait ug sa Overseas Workers Welfare Administration (OWWA) Welfare Office.
RadyoMaN Kirby Manzon
Facebook Comments
