Davao City – Nanawagan ang pipila ka Transport Group Sector sa Davao City nga mapaubsan pa ang presyo sa produktong petrolyo tungod taas pa gihapon ang presyo karong bulana Oktobre 2023.
Sa interview sa DXDC RMN Davao kang Mico Artajo, PUJ Driver Route 8 gisulti niya, apiktado gihapon ang ilang kita sa pagpamasada rason nga mahal pa gihapon ang presyo sa gasolina.
Giingon usab ni Joel Serilino, isip drayber sa pampublikong sakyanan nga dako og epekto sa ilang kita ang pagtaas sa presyo sa gasolina diin gikasaway usab niya panahon adunay pag rollback gamay ra kung ikumpara sa oil price hike.
Nahinabi usab sa DXDC News Team si Albert Barbarona, PUJ Driver route-8 nakakuha na sya og certification sa new minimum fare P13 gikan sa Land Transportation Franchising and Regulatory Board (LTFRB-Xl) apan adunay uban nga mga drayber ang wala pa nakakuha.
RadyoMaN Don Pulayao
Facebook Comments
