Davao City – Mahimong maapektohan na usab ang kita sa pamasahero sa mga Public Utility Vehicles (PUV) Drivers sa subling pagtaas sa presyo sa produktong petrolyo sugod karon adlaw’ng Martes Enero 3, 2023.
Sa interbyu sa DXDC RMN Davao kang Jaypon Timia, PUJ driver, dako kining epekto sa ilang pagpamasahero ug nakuhaan na usab ang ilang kita sa subling pagsaka sa presyo sa gasolina.
Panawagan ni Timia sa gobyerno nga mangita og pamaagi aron mapugngan ang pagsaka sa presyo.
Samtang nakasaway usab si Edward Dumindin, PUJ Driver sa rotang Sasa, wa na siya kasabot sa sistema o pagpadagan sa mga dagkong supplier sa gasolina ngadto na sa mga gasoline station.
“Wa nani nagkadimao ang sistema sa pagsaka sa presyo sa gasoline. Naay adlaw kalit ang pagsaka ug naa poy adlaw muobos ang presyo. Ang maayo ani, pa baratohon ang mga palaliton kay basi mao na rason nga gasaka ang presyo sa gasolina,” saysay ni Dumindin.
RadyoMaN Don Pulayao
Facebook Comments
