Pagadian City – Kasamtangan pa nga giberipika sa kapulisan ang report nga dunay mga kandidato sa umaabot nga Barangay ug Sangguniang Kabataan Election ang apil nga nadakpan sa mga otoridad sa pagsulong sa balwarte sa Pepito Crimanal Gang.
Sumala ni Police Supt. John Gano Guyguiyon ang Provincial Director sa PNP Zamboanga del Sur posible nga dunay mga kandidato ang naaresto ilabina nga apil sa nadakpan ang kanhi Mayor sa Sominot nga si Stephen Acosta ug ang ABC President ug Ex-officio Councilor Nemecia Quimno Pepito.
Mahinumduman nga nadakpanang kinse ka indibidwal dihang gikasa ang sa joint operation sa 902nd Regional Mobile Force Company, Zamboanga del Sur Police Provincial Office, Criminal Investigation and Detection Group sila si Arnel Quimno Pepito ang nagsilbing lider sa grupo,Edgar Quimno Pepito,Rey Sumalinog Pepito,Ruther Dela Torre Biawan,Allan EturmaDecierdo, Anicito Culanag Andulong, RolandoAnding Ramayrat, Romeo Batac, Jesryl Cabijenas Romo, Lorenzo Onez Malayao, Roberto Tigtig Hasma ug Rolando Dayuha Andrade.
Nagbahad ang kapulisan nga sinugdanan palang kini sa ilang sunod-sunod nga operasyon.
