TACLOBAN CITY – Naabtan han RMN News team an pira nga taga-kunsumo han tubig nga mabayad unta han ira baraydan ha Leyte Academic Center ha Palo kun diin aadto nag-oopisina an B-O-D han Leyte Province, gintudlok nira nga General Manager nga hi Adolfo Olaya ngan pira nga empleyado.
Ini in matapos masabtan han water concessionaires han kada bungto nga pwede na magbayad ha LAC. May server, computers ngan iba pa nga magagamit ha transactions tungod nga tikang ini nga mga gamit ha LMWD Office ha Nula-tula.
Sumala kan Jaya Martinez nga tikang pa ha Tabon-tabon, Leyte, may nagsiring la ha iya nga ha LAC magbayad han tubig ngan ha tinuod la sumala ha iya, nalipong hiya hini nga panhitabo ha lmwd.
“May nagrefer la ha akon ngadi nga dinhi magbayad ha LAC. Actually, malipong na gad ini, diri kami maaram kun hain gud ba talaga mabayad.”
Naabtan ko gihapon an usa nga lalaki nga mabayad hin tubig han eskwelahan nga nagkakantidad 10,000 pesos an baraydan pero waray na hiya umatubang ha media. Sumala ha iya, hassle kun makadto pa hiya ha Nula-tula para magbayad.
Nagtikang na an transactions ha LAC tikang pa kasangkulop pero nagdig-on hi LMWD Information Officer Tess Pascua nga diri ini ginhohonor kun didto ha LAC mabayad.
“Diri ito namon gincoconsider kun didto kamo magbayad ha kaluyo, aadi la it opisina ha LMWD ha Nula-tula waray na iba.”
