Pison gisunog sa may Surigao

61

Naugdaw ang usa ka road roller kun pison human kini gisunog sa milabayng adlawng Sabado Nobyembre 7 ning tuiga sa mga armadong mga tawo bandang alas 11 sa gabii didto sa may Purok 10, Barangay Mat-i, dakbayan sa Surigao.
Sa impormasyon nga gihatag ni Mat-i Barangay Captain Reynaldo Olvis ngadto sa kapulisan, ang maong pison gipanag iyahan sa JMT Construction
Sa interview sa RMN DXBC Butuan ngadto kang PCol. Noel Espinosa, Provincial Director sa Surigao del Norte Police Provincial Office (PPO) sumala pa nga extortion ang hinungdan sa pagpangsunog nga binuhatan sa mga NPA kon communist terrorists nga grupo.
Human sa pagpangsunog misaka padulong sa bukirang bahin sa Barangay Mat-i ang mga armado.
Gibanabanang mikantidad sa kapin 3 million pesos ang pison nga Caterpil [image: pison.jpg]
Samtang sa pikas bahin gibutyag ni Col. George Banzon, Brigade Commander sa 901st Brigade Phil. Army nga matod pa pagpangilkil ang nag unang motibo sa pagpangsunog sa pison.
Nasayran nga ang JMT Construction ang nagkontrata sa dalan sa brgy. Mat-I sakop sa dakbayan sa Surigao.
Gibutyag ni Col. Banzon nga usa ka Geran Ybanez ang lider sa Sandatahang Unit Propaganda sa 16B nga naglihok sa maong lugar ang responsible sa pagsunog kini basi sa mga nakasaksi.
Ang managsunod nga pahayag nila ni PCol. Noel Espinoza sa Surigao del Norte PPO ug Col. George Banzon sa 901st Brigade Phil. Army sa interview sa RMN DXBC Butuan.
Sa pagkakaron nagpadayon ang hot pursuit operation sa kasundaluhan batok sa mga rebildi.

Facebook Comments