Davao City – Nagpahimangno si Davao City Mayor Sara Duterte-Carpio nga hugot nga gidili ang PisoNet activities human sa mga report nga adunay mga nagadula sa internetan labi na mga bata luyo sa gipatumang community quarantine sa syudad tungod sa Coronavirus Disease 2019 (COVID-19) pandemic.
Gipasabot ni Mayor Sara (sa interbyu sa city-owned radio) nga gitugotan lamang nga mugawas ang mga menor de edad alang sa importanteng rason sama sa paggawas tungod sa pag-access og pagkaon, medisina kun medical needs, shelter ug uban pang essential activities.
“There are only instances nga allowed ang mga bata sa gawas and the PisoNet activity is not one of them. Ang mga bata allowed lang sila sa gawas for essential activities lang pud as well. Pag muingon ta’g essential, related to food, medicine, shelter ug kadtong considered as essential activity,” segun ni mayor.
Samtang, gipa-doble amping usab sa alkalde ang katawhan labi na anaa sa napulo (10) ka barangay sa syudad ang nabutang karon isip critical risk barangays subay sa August 22 hangtud August 28, 2021 Barangay Classifications.
Gipaigmat ni Duterte-Carpio ang publiko sa maong mga barangays nga taas ang risgo sa COVID-19 transmission diin giawhag ang Davaoeños nga magpondo lamang sa balay kung walay importanteng lakaw labi na ang mga kabataan.
“Kung makita ninyo sa mapa, daghan-daghan sa atong barangay ang pula ang color nila. This means these are high risk barangays. We would like to invite everyone nga magtan-aw sa mapa. Sa isa ka lugar nga daghan og COVID-19 cases, taas imuhang chances nga matakdan (sa virus),” sulti sa alklade.
RadyoMaN Kirby Manzon
