Naalarma karon si Vice Mayor Rainier Joaquin Uy gumikan sa sulat nga gipadala sa usa ka concerned citizen mahitungod sa walay saktong control sa oras nga mag operate sa ilang negosyo ang pipila ka mga internet cafes o Pisonet cafes sa Barangay Kauswagan, hilabi na gayud sa St. Nicolas Street, Zone 2.
Kini gumikan sa taho nga ang maong mga establisamento ang nagabukas sa ilang mga negosyo 24 oras ug tungod niini nahimo na hinoon tambayanan sa mga batang na adik na sa internet ug internet games. Dinhi gakahitabo ang kantyawan, bullying ug pagbinastos sa ilang kauban nga mga gadula sa maong mga lugar.
Mao kini hinungadan nga nisamot na hinoon kalisud para sa mga ginikanan nga kontrolon ang ilang mga anak nga naadik na sa maong mga dula. Nawala na hinoon ang pag tutok sa ilang mga anak sa pag eskwela niini nga maoy hinungdan sa paghatag kadaut imbis kaayo ngadto sa mga estrudyante ug kabataan.
Ang city council committee on police, fire, public safety nga gipangulohan ni Konsehal Romeo Calizo na ang bahala nga moatiman ug mohatag sa saktong aksyon niining mga butanga matud pa.
