Idayon karong adlawa sa local nga chapter sa Pinagkaisang Samahan ng mga Tsuper at Operator Nationwide o Piston-Cebu ang ilang gitakda nga picket brally batok sa PUV modernization program sa gobyerno .
Taliwa kini sa pagkanselar sa Piston didto sa kaulohan sa ilang giplano nga duha ka adlaw nga transport protest nga mosugod unta karong adlawa.
Matud ni Piston-Cebu coordinator Greg Perez di momenos sa 100 nila ka sakop ang magmartsa gikan sa dalan Gorordon paingon ngadto sa rehiyonal nga buhatan sa Land Transportation Franchising and Regulatory Board .
Adto sila mohimo ug mubo nga programa aron subling ipadayag ang ilang pagsupak sa pagphase out sa mga puj nga nag-edad na ug 15 pataas.
Facebook Comments
