Gibutyag karon ni Presidential Spokesperson Harry Roque nga dili usaka ‘crackdown’ kun pagpanglutos ang giluwatang warrant of arrest kontra kang PISTON leader George San Mateo.
Sa palace news briefing kaganina, gitataw ni Roque nga exercise lamang kini sa prerogative sa korte isip tipik ug kabahin sa gitawag nga ‘rule of law’ diin walay bisan gamay’ng kalambigitan kun dikta ang Malacañang.
Una niini, gikabalak-an sa progressive ug militant sector nga human sa deklarasyon sa palasyo sa kanselasyon sa peacetalks uban sa Philippine Maoist communists, isunod na nga lutoson sa gobyerno ang mga ‘legal fronts ‘ niining gikatahong nakigkomboya sa usa ka grand conspiracy uban sa political opposition aron i-destabilisar ang Duterte administration.
Sa pikas bahin, gisugilon sa tigpamaba nga karong hapon atol sa Cabinet meeting uban ni Pres. Rodrigo Duterte, mahibaw-an kun hangyoon ba sa ehekutibo ang dugang lugway kun extension sa Martial Law o pasagdan na lamang kini hangtud mapupos karong December 31, 2017.
RadyoMaN June Duterte
