Kini ang obserbasyon ni Kanhi Piston Southern Mindanao Secretary General Edel Gonzaga sa pakighinabi sa DXDC RMN Davao pinaagi sa tawag sa cellphone.
Sa assessment ni Gonzaga, daghan sa mga drivers ang wala mosimpatiya sa kaulohan ug gani ang tanang mga sakop sa organisasyon ang namasahero luyo sa tigil-pasada.
Sigun ni Gonzaga, ang kakuwang sa paghatag og kasayoran ang hinungdan, kung nganong wala mosalmot sa protesta ang Piston Southern Mindanao, bisan tuod og adunay gikasa nga tigil- Pasada sa kaulohan.
Dugang pa ni Gonzaga, usa sa babag nganong wa mupakita og simpatiya ang mga driver sa Piston Luzon, tungod sa kahadlok ug kabalaka nga basin silutan sila sa LTFRB.
Ubos sa circular order, ang mga Driver ug Operator hugot gidid-an nga muapil sa lihok protesta.
Nasayran nga bug-at, ang kaso nga atubangon sa bisan kinsang mga driver nga mo-abandona sa ilang responsibilidad sa transportasyon.
Dugang ni Gonzaga, daghan usab sa mga driver ang nabalaka ug nahadlok nga basin i-tag sila isip sakop sa CPP NPA NDF.
RadyoMaN Joel Viray
