Usa ka TOYOTA GRANDIA VAN nibangga sa usa ka kahoy nga Mahogany sa Brgy. Legaspi lungsod sa Alegria pasado alas 12:00 karong udto.
Gikompermar sa hepe sa Alegria Police Station Police Senior Inspector Efren Diaz , nga pito ang patay sa aksidente nga gilangkoban sa mga doktor ug nurse.
Ang mga biktima mga Pinoy apan nakabasi na sa Amerika , mopahigayon unta og Medical Mission sa Camiguin karong Lunes.
Apan nibisita una sa lungsod sa Oslob alang sa whaleshark watching.
Gikan sa Oslob mopaingun pa unta sa Kawasan Falls sa lungsod sa Badian ang mga biktima,apan pag-abot sa Brgy Legaspi Alegria,nibangga ang TOYOTA GRANDIA Van sa kahoy nga mahony.
Padayon pang gisuta sa kapolisan kong unsay hinungdan sa pagkabangga sa Van og kong kini nawad-an ba og brake.
Ang upat nga na -angol lakip na ang driver gidala sa Rain HJeart Virgin Hospital sa lungsod sa Alegria.
