Davao City – Pito ka mga sugarol ang nadakpan sa kapolisan sa San Pedro atol sa gipahigayong anti illegal gambling operation alas-7:30 kagabii sa Tiongko St.ning dakbayan.
Dinakpan mao sila Kenneth Lao, 27 anyos nga taga Mati Davao Oriental ug kasamtangang nagpuyo sa KM 6 Buhangin, Roberto Mangyao, 21 anyos, nagpuyo sa Jade Valley Buhangin, Paulo Salude, 21 anyos, nagpuyo sa Punta Dumalag Matina, James Cortel, 45 anyos, nagpuyo sa S.I.R Phase 1, Matina, Gimte Pait, 40 anyos, nagpuyo sa Sandawa, Roolen Matapid, 25 anyos ug laing usa ka Dondon Dapa 25 anyos parehong residente sa Garson Compound, Maa syudad sa Davao.
Base sa report, naaktuhan ang mga suspek nga nagdula og hantak diin narekober sa kapolisan ang 240.00 pesos nga bet money ug duha ka sinsilyo nga antugon.
Ang pito ka mga dinakpan priso na sa San Pedro PNP ug mag-atubang kini og kasong kalapasan sa Presidential Decree 1602 kun illegal gambling.
RadyoMaN Don Pulayao
