Pito ka mga balay ang gintupok sang kalayo sa natabo nga sunog may mga la 1:30 kaina sang kaagahon sa Purok Sampaguita Tres, Brgy. Singcang ciudad sang Bacolod.
Base sa initial investigation nagsugod sa isa ka balay ang sunog kag madasig nga naglaton sa mga kaingod nga puluy-an.
Suno sa imbestigasyon naghalin ang sunog sa balay sang maglive-in partner kon diin ginatudlo nga suspek diri amo ang lalaki nga nakilala kay Jun Nobleza.
Ginpahayag sang mga kaingud sang maglive-in nga ila nabatian nga may naga-away sa amo nga balay kag ginsundan sang lupok kag pagpanimaho sang gasolina.
Matapos sini, didto na kag nagtuhaw ang kalayo nga madasig naman naglaton sa mga tupad nga balay bangud ini ang himo sa light materials.
Sa karon tul-id na ini nga gina usisa sang mga katapo sang Bacolod Bureau of Fire Protection.
[image: image.png]
