Davao City – Napasakahan na og kaso ang pito ka mga drug personalities nga nasikop sa Philippine Drug Enforcement Agency kun PDEA-XI sa managlahing gihimong buy bust operations karong semanaha sa Sta. Ana, San Pedro PNP dinhi sa syudad ug Mabini Municipal Police Station sa Mabini, Comval Province.
Usa sa mga napasakahan mao ang giilang number 1 drug personality sa Davao Region nga si Saidel Taha Sahid alyas Saidel, 46 anyos, negosyante ug residente sa Maco Alawya Beach, Maco, Compostela Valley Province samtang ang usa mao si Alhakim Sakkam Ismael alyas Kim, 25 anyos, studyante ug residenti sa Purok Sagittarius, Lasang ning syudad sa Davao.
Dugang niini, ang giingong Top 8 nga drug personality nga si Florante Florez, 42 anyos, residenti sa Brgy.Pob, Malita Davao Occidental gikiha usab lakip ang ubang pang dinakpan nga giilang sila Daniel Maranan alyas Wowie, Cedie Obejero Bastasa, Kris Edrian Racosalem ug usa ka criminology student nga si Edwin Bastida alyas Jr., 19 anyos.
Kahinumdoman nga nakuhaan ang mga dinakpan og iligal nga droga human gilusad sa kapulisan ug PDEA-XI ang buy-bust operations.
RadyoMaN Don Pulayao
