Davao City – Mukabat sa pito ka libo ka security forces ang gitakdang ikatag sa mga nag-unang kasimbahanan karong Semana Santa.
Sumala ni Police Regional Office (PRO-XI) Director Police Brigadier General Alden Delvo, sa 7,000, ang 3,600 niini mga pulis gikan sa PRO 11, 300 nga augmentation gikan sa Bureau Fire Protection ug Armadong Kusog sa Pilipinas ug 3,000 gikan sa force multipliers.
Segun ni Delvo, daghan na kini nga puwersa aron luwas ang mga simbahan nga dunay kalihokan sa Biyernes Santo ug nga mamintinar ang kahapsay ug kalinaw sa entero huresdiksiyon sa PRO XI.
Nasayran nga dunay kapin 300 ka simbahan, 140 ka mga dalan, 70 ka mga terminals, kapin 160 ka nag-unang establisimiento ug dul-an 290 ka publikong lugar nga dagsaan og mga tawo ang butangan og dakong puwersa sa mga security personnel.
RadyoMaN Joel Viray
Facebook Comments
