Roxas City, Capiz – Pito ka mga indibidwal nga nagpositibo sa COVID-19 sa probinsya sang Capiz ang nakarekober na sa corona virus disease. Ini ang basi sa ginpaguha nga latest bulletin sang Capiz Provincial Health Office ukon PHO. Ini ginalakipan sang apat ka mga kaso nagikan sa banwa sang Jamindan, duha sa banwa sang Dumarao kag isa man ang nakarekober nga taga-banwa sang President Roxas. Sa subong may yara na sang kabug-osan nga 89 ka mga confirmed cases sang COVID 19 sa Capiz, 52 ang aktibo nga kaso, 35 ang nakarekober samtang duha ang nagkalamatay bangud sa virus.
Facebook Comments
