Davao City – Naaresto sa kapolisan sa San Pedro ang pito ka mga tao human naaktuhan nga nag tong-its ug nagmahjong atol sa gilusad nga anti illegal gambling operation sa gipatuman nga One Time Big Time Operation natigayon alas 2:45 sa kahaponon didto sa Purok 6 Pag-Asa Bankerohan Barangay 5-A siyudad sa Davao.
Subay sa report gikan sa kapolisan San Pedro ang mga dinakpan mao sila Maria Lourdes Rosario, 58 anyos, Hilda Canagnan, 53 anyos, Irene Donor, 52 anyos, Raquel Alforque, 50 anyos, Arnel Donor, 37 anyos, Reynaldo Singson, 33 anyos ug Roldan Medrano, 27 anyos parehong residente sa nahisgutang lugar.
Nakuha sa mga dinakpan ang bet money nga 700.00 pesos ug mga illegal gambling paraphernalia.
Ang pito ka mga naaresto balhug na sa San Pedro Pnp ug gihikay na sa kapolisan ang kasong kalapasan sa Presidential Decree 1602 kun Anti-Illegal Gambling batok kanila.
RadyoMaN Don Pulayao
