Davao City – Sikop sa kapolisan sa Sta Ana ug Buhangin ang pito ka mga indibidwal nga nag sugal atol sa gilusad nila nga Anti Illegal Gambling Operation sa ilang area of responsibility.
Sikop sa Sta Ana PNP sila Alejandro Iberia 64 anyos, Noel Abuse 37 anyos, Wendelyn Mendoza, 37 anyos ug Lilibeth Arquela, 53 anyos pareho nagpuyo Purok IKP Jerome Barangay Lapu-Lapu syudad sa Davao human kini naaktuhan nga nag mahjong.
Nakuha sa mga dinakpan ang usa ka set sa mahjong ingon man ang bet money nga 735 pesos.
Samtang nadakpan usab sa Buhangin PNP sila Paul Ladion, 38 anyos, usa ka driver ug Ricky Singson, 47 anyos, mag-uuma nga taga Purok 6 San Isidro Labrador Indangan Buhangin siyudad sa Davao human kini nagdula og hantak.
Narekober sa kapulisan ang ang duha ka antugon, usa ka improvised round concrete nga antugan with improvised steel ring, bet money nga 650.00 pesos ug tulo ka manok nga pang sabong.
Ang mga dinakpan balhug na sa prisohan samtang gihikay na sa kapolisan ang kasong kalapasan sa Presidential Decree 1602 kon Anti-Illegal Gambling Law aron maduso ang kaso ngadto sa korte.
RadyoMaN Don Pulayao
