Pito ka tuig nga bata nga PWD, patay matapos nga nalakip sa nasunog nga poluy-an sa banwa sang Pilar!

Pilar, Capiz – Wala gid masalbar sang iya nga pamilya ang pito(7) ka tuig nga bata matapos nga masunog ang ila nga poluy-an sa Sitio Guintunuran Bang-ogay, Barangay Natividad, Pilar, Capiz pasado ala una sang hapon.
Ang amu nga biktima ang isa ka Person With Disability ukon PWD bangud may yara sang ‘polio’.
Suno sa inisyal nga pagpangusisa wala sang nagabantay sa bata sang matabo ang sunog.
Gintinguhaan pa nga salbaron sang iya nga tiyo ang biktima apang bangud sa tuman ka baskog na nga kalayo napaslawan ini nga makasulod sa nagakasunog nga poluy-an.
Nahibaluan nga himu sa mixed light materials ang balay kabangdanan nga madasig nga naglaton ang kalayo.
Nagaguha nga ‘faulty electrical wiring’ ang ginapahayag kabangdanan sang sunog.