Davao City – Mamahimo ng makuha sa mga nanag-iya og 4 wheels ang ilang mga plaka karong umaabot nga Hulyo 5, 2018.
Sumala sa notice nga gipagula sa Land Transportation Office kun LTO XI, makuha sa 1st batch ang plaka diin ang behikulo narehistro niadtong July 1, 2016 ngadto sa September 30, 2016 base usab sa ilang gihan-ay nga schedule.
Mamahimong i-check ang kumpleto nga schedule sa buhatan sa LTO XI sa pagkuha sa mga license plates nga ipang-release sa New Registration Unit – Regional Office sa Quimpo Boulevard ning syudad apan pwedeng mag-request nga kuhaon ang plaka sa LTO district offices.
Kinahanglan ang tag-iya o authorized representative ang mukuha sa plaka dala ang kopya sa certificate of registration ug official receipt.
Subay niini, subling pahinumdom sa LTO XI nga dili makignegosyar sa mga fixers sa pagkuha sa mga plaka.
RadyoMaN Renz Barbarona
