Davao City – Gidayeg ni Brgy. 9-A Kapitan Tata Llubit ang Philippine Drug Enforcement Agency (PDEA) sa laraw niini nga ibulgar ang pangalan sa mga opisyal sa mga barangay nga apil sa narco list duha ka semana una ang hingpit ang Barangay ug SK Election karong Mayo 14 ning kasamtangang tuig.
Dako’g bintaha sa mga botante kuni-anunsyo sa PDEA ang pagsapubliko sa pangalan sa mga opisyales aron sa ingon dili na sila mabotaran sa taliabot nga bugnong lugaynon karong Mayo 14, segun ni Llubit.
Ang pagyagyag sa pangalan sa mga barangay opiyales sa publiko kinsa nagdula sa ilegal nga droga maghatag og saktong kahimatngon ngadto sa mga botante kung kinsa ang ilang botaran ug dili pilion sa umaabot nga barangay ug SK election.
Busa dako ang posibilidad nga hingpit mawagtang ang droga sa kabaragayan diin lakip mapapas ang mga opisyales nga diniktahan sa drug syndicate ugali mailhan sila sa mga tawo una paman ang adlaw sa paghukom sa tanang nanagan sa eleksyon.
Ang pagdasig lang sa kapitan ngadto sa PDEA ug sa nasudnong kagamhanan mao nga segurohon una nga anaa sa narco list ang kaning mga opisyales sa barangay nga gidudahang nagdula sa droga aron sa ingon dili magamit sa pamulitika ang isyu nga gipahid kanila.
RadyoMaN Joel Viray
