Davao City – Gikalipay ni Davao City Police Office kun DCPO Spokesperson Maria Teresita Gaspan ang planong pag apruba sa public drinking ban ordinance dinhi sa syudad karong adlawa.
Kini ang reaksyon ni Gaspan atol sa interview sa DXDC RMN Davao kaniya diiin subay kini sa pagbotohay sa mga konsehal sa syudad sa nasangpit nga ordinansa sa third and final reading sa ipahigayong regular session unya sa konseho.
Kahinumduman nga giduso ni Davao City First District Councilor Maria Belen Acosta ang maong ordinansa diin nigawas kini nga ideya human nakahinabi niya ang mga barangay officials nga naglisod og badlong ngadto sa mga naga-inum kada gabii gumikan walay legal nga basehan kini aron sila masilotan.
Sa panahon nga kini maaprubahan ug mapatuman na, makamulta og P 3,000 ang first offense, P5,000 ug pagkapirso sulod sa tulo ka bulan sa second offense samtang P5,000 ingon man pagkapriso sulod sa usa ka tuig ang ulahi ug pinakabug-at nga silot sa mga musupak sa balaud.
RadyoMaN Renz Barbarona
