Kini human sa pipila ka hangyo nga gipasibaw sa mga ginikanan, magtutudlo, mga tulunghaan ug mga interesadong grupo nga ibalik ang opening of classes sa Hunyo.
Sa interview sa DXDC RMN Davao kang Jenielito Atillo, ang tigpamaba sa DepEd XI, iyang gibutyag nga usa kini ka major concern nga angayang hisgotan ug balansehon.
Dugang niya nga adunay daghang ikonsidera una kini sa hingpit maduso sama sa gitas-on sa bakasyon, schedule sa klase, ug lakat sa panahon.
“Maong gibalanse na siya pag-ayo, ginalantaw pag-ayo and ginaobserbahan kung unsay angayan nga dapat pagabuhaton. But nevertheless, I would like to confirm nga kini gi-storyahan ug wala ni gipadaplin nga hisgotanan ug gilantaw as usa sa mga major concerns nga tagaan og atensyon ug pagtagad. But then again, nothing is definite yet. Wala pa gyuy definite kabahin niini,” pagpasabot pa ni Atillo.
RadyoMaN Ivy Parido
