General Santos City–Pabor ang tulo ka mga Barangay Kapitan sa dakbayan kon ugaling man modagan sa pagka-Pangulo sa nasud Pilipinas si Pambansang Kamao Senador Manny Pacquiao karong umaabot nga Presidential Election 2022.
Sumala pa ni Brgy. South Kapitan Rock Garay nga uyon siya Kung magpapili si Senador Pacquiao sa pagka-Pangulo gumikan usa kini nga makahatag ug dakong dungog dili lamang sa Pilipinas kondili apil na sa Gensan.
Matud pa ni Garay nga kung basehan ang kasinatian sa pagpanerbisyo sa gobyerno,anaa na kang Senador Pacquiao tungod kay mi-agi kini isip Congressman ug karon Senador.
Samtang sa kabahin usab ni Brgy. Mabuhay Kapitan Mae Boga, walay problema nga modagan si Senador Paquiao sa pagka-Pangulo sa Pilipinas gumikan kay desisyon kini sa Senador ug angayan suportahan tungod kay dungog kini sa syudad. Apan gipaklaro sa maong Kapitan nga dapat huna-hunaon sa makadaghang higayon ni Pacquiao kung pwde na ba siya sa taas nag posisyon gumikan kay tibuok Pilipinas na ang iyang paga-dumalahan.
Samtang si Barangay Tinagacan Kapitan Jeffrey Salanio nagbutyag nga wala man siyay supak sa desisyon ni Senador Pacquiao nga mopapili sa pagka-Pangulo sa Pilipinas, ang iyaha lamang nakita nga kinahanglan pa ug dugang kasinatianang Senador tungod kay taas na kini nga posisyon kung asa tibuok Pilipinas na ang iyang tutukan.
Dugang pa ni Salanio nga angayan usab dili lang magsalig ang usa ka opisyal sa gobyerno sa iyang mga adviser kondili gikinahanglan usab nga aduna kini kaugalingong desisyon ug panghuna-huna alang sa kaayuhan sa katawhang Pilipino. (RV)
