Nadiskubrehan sa kapulisan niadtong dominggo (March 31) ang tulo ka sako sa tanom nga marijuana sa Barangay Lumbatan Manacab, sakop sa Buadipuso Buntong, Lanao del Sur.
Kini human nakadawat ang mga otoridad ug impormasyon gikan sa usa ka concerned citizen nga usa ka gisuspetsahang tanom sa marijuana ang nakita sa kalasangan nga bahin sa maong barangay.
Tulo ka sako sa marijuana ang nakuha gikan sa maong lugar nga mutimbang ug kapin kun kulang 30 kilograms.
Matud ni Police Captain Jemar Delos Santos, information officer sa Police Regional Office-Bangsamoro Autonomous Region in Muslim Mindanao (PRO-BARMM), ang mga pananom giibot na ug gisulod sa sako dihang miabot na ang kapulisan.
Gibutyag ni Delos Santos nga duna na sila’y lead sa tag-iya sa maong marijuana plantation ug gipailalum kini sa imbestigation.
Sumala kang Police Brigadier General Graciano Mijares, regional Director sa PRO-BARMM nga ang mga nasakmit nga marijuana plants gidala sa Buadipuso Buntoing Municipal Police Station alang sa proper disposition.
