ILOILO CITY – Imbestigaran sang Iloilo City Police Office (ICPO) agud mapat-od kon may kamatuoran nga ginaplantedan sang kapulisan sang illegal nga droga ang pila ka mga sibilyan.
Ini matapos gin-ako ni PO1 Dumar Deocampo sa pila ka mga media interview nga ginaplantedan nila ang kon sin-o man nga ila madakpan.
Suno kay PSInsp Shella Mae Sangrines, spokesman sang ICPO , indi nila pagtolerahon ang kasubong nga buluhaton kag magapangatubang ang mga ini sang kaso kon mapamatud-an nga husto ang nasambit nga impormasyon.
Madumduman nga naghublas si PO1 Dumar Deocampo agud indi maplantedan sang druga sang mga kapulisan sang gindakop sa ila lugar sa Tanza, Baybay.
Si Deocampo subject sang buybust sang PP1 bangud ginaalegar nagabaligya sang ilegal nga droga.
