BACOLOD CITY – (2nd Update) Naupos gid ang puloy-an nga ginapanag-iyahan ni Carlos Consolacion, 57, sang Purok Kitahanon, Barangay Banago, Bacolod City, matapos nagluntad ang sunog pasado alas 10 kahapon sang aga.
Suno kay Carlos wala gid sila sang may nasalbar nga mga kagamitan lakip ang ila kwarta bangud sa kadasig nga paglamon sang kalayo sang ila balay nga himo sa light materials.
Nagapati si Carlos nga naghalin sa kuarto sang iya bata nga si Christine ang kalayo bangod man sa itsura sang damage nga iya nakit-an.
Partially damaged naman ang poloy-an sang iya utod nga si Jovy Consolacion.
Sa imbestigasyon sang Bureau of Fire Protection ginphayag ni City Fire Marshal Fire S/Insp. Pableo ‘Boboy’ Ploteñia nga ang plantsa nga wala makuha sa saksakan amo ang ginhalinan sang sunog./ Winston Temblor/RMN photo
