Roxas City, Capiz- Halos areglado na ang linyada sang Liberal Party sa Capiz sa palaabuton nga eleksyon.
Sa interview sang dyVR kay Capiz Governor Tony del Rosario nga sa segundo distrito halos human na ang kandidato sang LP sa tagsa ka posisyon sa munisipyo maluwas na gid lamang sa banwa sang Tapaz.
Sa 1st district naman, halos hitso na ang linyada sang tagsa ka mga munisipyo maluwas na gid lamang sa mga banwa sang Panit-an kag President Roxas. Opisyal naman nga kandidato sang LP sa pagka-congressman sa 1st district amu si incumbent congressman Emmanuel “Tawi” Billones Sr. samtang nagaguha naman nga posible suportahan sa pagka-bise gobernador amo si former board member kag GRECON president James “Mitang”Magbanua.
Suno kay del Rosario, lakip sa gihapon sa line-up sa pagka-board member sa segundo distrito sanday incumbent BM Bulilit Martinez kag Elmer Arevalo.
Para naman sa siyudad sang Roxas ginpahayag ni Del Rosario nga ang makahambal gid lamang kon bala sin-o na ang yara sa linyada sang LP amo si former DILG Secretary Mar Roxas.
photo © web
