Plastic bag, nakita sa tiyan ng namatay na dolphin sa El Nido

76
Courtesy: El Nido Resorts - Be GREEN Facebook page

May nakuhang plastic garbage bag sa tiyan ng isang dolphin na namatay isang araw matapos mapadpad sa Palawan, Biyernes, Hunyo 28.

Na-stranded sa Nacpan Beach, Huwebes ng umaga, ang batang rough-toothed dolphin na pinangalanang Wally, ayon sa environment department ng El Nido Resort.


Sa post-mortem examination na ginawa ng mga eksperto, lumabas na nakalunok ng plastic garbage bag ang dolphin at na-stuck sa tiyan nito.

Nakaharang umano ang plastic kaya maging ang buto ng isdang kinain ng dolphin ay hindi nakadaan sa sikmura.

Photo by El Nido Resorts – Be GREEN

Hinihinalang ito ang sanhi ng tuluyang panghihina at pagkamatay ng dolphin.

Iginiit naman ng grupo ang kinakailangang pagsusulong sa pagbabawal ng single-use plastics.

Parami nang parami na anila ang mga hayop na nagkakasakit o ang masama, ay namamatay sanhi ng plastic pollution.

Facebook Comments

From Advertisers