Plastic ban, hingpit nang gipatuman sa Valencia City

38

Epektibo kaniadtong Hunyo 1, 2019 hingpit nang gipatuman ang sa dakbayan sa Valencia ang City Ordinance number 25-2017 kon Plastic Bags Regulation Ordinance.

Sa interview sa RMN Malaybalay ngadto kang re-elected Valencia City councillor Atty. Oliver Baba Garcia, gibutyag niini nga epektibo sa Hunyo 1 gipatuman na sa Local Government Unit kon LGU ang plastic ban.


Matud ni Atty. Garcia nga sauna pa kini nahimong ordinansa apan tungod sa hangyo sa mga nanag-iya ug establiymento nga hatagan ug lugway maong nadugayan ang hingpit nga pagpatuman niini.

Gipasabot niya nga katarungan sa mga negosyante nga daghan pa silang stocks nga mga plastic maong aron makapangandam mas maayo nga hatagan ug lugway alang sa transition period sa mao nga ordinansa.

Nagtoo usab siya nga igo na ang panahon nga gihatag sa LGU ngadto sa publiko alang sa implementasyon niini.

Sigun sa opisyal nga sa karon ilang e-evaluate ang pagpatuman niini aron masiguro nga masunod gayod sa mga establisyamento ang ordinansa.

Nasayran nga ilawom niini, pamultahon ug dili mulapas sa 1,000 ka pesos alang sa unang pagsupak, 3-mil sa second offense samtang 5-mil ug kanselasyon sa mga business permit alang sa ikatulong pagsupak.

Determinado usab si Garcia nga madawat sa publiko ang mao nga plastic ban ilabina ug gi-agi sa public hearing sa wala pa kini nahimong ordinansa.

Facebook Comments

From Advertisers